《支持繼續追夢❤️ig小店法式甜品🍮》
早幾年岩岩識店主 @Never_eat__alone，嗰時佢啱啱開始喺IG開始賣蛋糕，可惜因為種種原因唔能夠繼續😢。好開心知道佢終於喺觀塘工廈搵咗一個地方開店，依家仲有售賣多款法式甜品，一定要支持❤️💪🏻。
.
📍達克瓦茲-焦糖海鹽咖啡
近年香港越嚟越多賣達克瓦茲嘅網店。呢款喺法式甜品，有啲似馬卡龍嘅概念，2片蛋白蛋糕包住中間嘅奶油霜🥰。外層口感酥脆，蛋糕中間軟身。而重點一定喺個奶油霜餡料，口感如雪糕般細膩幼滑，有濃郁焦糖咖啡味☕️💛，甜而不膩！必試！
.
📍可麗露-朱古力
呢款同樣喺法式經典甜品！外面喺一層厚厚嘅焦糖的外殼，口感焦脆微硬，中間濕潤煙韌，朱古力幾香🍫，唔會過甜😚。
.
📍布甸燒-Bailey 咖啡&焙茶
一次過試咗2款口味🍮！分別喺Bailey 咖啡同焙茶，兩者味道都幾突出，我哋較中意後者😍! 焙茶味真係好濃郁，蛋糕鬆軟🧁，布甸嫰滑，比例上較蛋糕多，好食!
.
📍雪花酥
呢3粒細細粒嘅雪花酥分別係原味、朱古力味同抹茶。原味似食緊牛奶糖🍬，口感煙韌有𡁻頭。朱古力🍫同抺茶🍵都好濃郁，而且分別加咗士多啤梨乾🍓同提子乾🍇，幾好食。
.
其實我哋今次食嘅所有產品本身都仲有好多唔同嘅口味，有興趣嘅不妨去佢哋IG @Never_eat__alone睇一睇，應該都會搵到款啱心水嘅產品❤️，仲可以買來做散水餅添！
.
#草根食在網店
.
Search